Қазақстандағы Femcare – интимдік гигиена құралдарын қайдан және қашан сатып алады?

Мадина Баймуханова
Head of Data

Гигиеналық төсемелер – сатылым көшбасшысы Егер санат ішіндегі шығындарды тауар түрлері бойынша жіктейтін болсақ, онда интимдік гигиена құралдарына жұмсалатын қаражаттың 63,4%-ын құрайтын гигиеналық төсемелер сөзсіз көшбасшы болып табылады. Қаражаттың 21,7%-ы күнделікті төсемелерге кетсе, тампондар 10,4% үлеспен үшінші орында тұр. Қаражаттың 3,4%-ы урологиялық төсемелерге жұмсалады.

Femcare дүкенге арнайы баруды қажет етпейді Жалпы көлемге емес, әрбір сату арнасы ішіндегі сатып алу құрылымына қарайтын болсақ, түрлі сценарийлер пайда болады. Атап айтқанда, дәріханаларда урологиялық төсемелердің үлесі айтарлықтай жоғары – ол 16%-ға дейін жетеді. Бұл шынайы өмірдің жарнамадағы бақытты жас әйелдің бейнесіне әрдайым сәйкес келе бермейтінін көрсетеді: босанудан кейінгі қалпына келу кезеңдері, жас ерекшеліктеріне байланысты өзгерістер, созылмалы жағдайлар бар. Және бұл жағдайлардың сатып алу барысында өзіндік ізі қалады.

Сонымен қатар, сату арналары бойынша сатып алуларды қарастырған кезде сатылымның негізгі бөлігі ірі желілерге тиесілі екені белгілі болды – жалпы сатып алу көлемінің 83,6%-ы. Бұл әйелдер гигиенасы құралдарының көбінесе мамандандырылған сауда орындарына арнайы бармай-ақ, үйреншікті заттармен, мысалы, азық-түлікпен бірге сатып алынатынын білдіреді.

Бұл жерде femcare өнімдеріне ең көп қаражат ірі желілерде жұмсалатыны ғана емес, сонымен қатар бұл өнімнің чектерде ең жиі кездесетіні де маңызды. Чек деректеріндегі пенетрация (ену деңгейі) – бұл таңдалған арнадағы немесе кезеңдегі барлық чектердің ішінен кем дегенде бір femcare позициясы бар чектердің үлесі. Бұл рутинаның жақсы көрсеткіші: ол соманы емес, тұрақтылықты көрсетеді.

Femcare сұранысы – аптасына жеті күн Бұл санаттағы тауарларды сатып алу апта күндері бойынша біршама тегіс бөлінген, адамдар бұл санатты демалыс күндеріне немесе белгілі бір күндерге арнайы жоспарлайды деген сезім жоқ. Бұл өмірдің тұрақты бөлігі, аздаған төмендеу тек сәрсенбі, бейсенбі және жексенбі күндері байқалады.

Қаптаманың медианалық (орташа) бағасы түрлеріне қарай айтарлықтай ерекшеленеді:

• Орташа алғанда тампондар мен урологиялық төсемелер қымбатырақ шығады.

• Гигиеналық және күнделікті төсемелер арзанырақ.

  

Ал қаптама көлеміне келетін болсақ, саудада көбінесе шағын қораптар кездеседі: 10, 8 және 7 данадан тұратын қаптамалар көш бастап тұр. Үлкен қаптамалар да сатылады, бірақ олар жалпы көріністі анықтамайды. Бұл ретте сатып алу құны тек тауардың түріне ғана емес, қаптаманың өлшеміне де байланысты, мұндағы айырмашылық еселі болуы мүмкін. Тіпті бір тауар түрінің ішінде медианалық сатып алу сомасы қаптаманың өлшеміне байланысты өзгереді: кей жерде айырмашылық шамалы болса, кей жерде айтарлықтай білінеді.

Осылайша, Қазақстандағы Femcare сегменті мереке және демалыс күндері де, жұмыс күндері де сауда күнтізбесі мен бюджетке берік енген.

Материалдарды пайдалану кезінде saudata.kz дереккөзіне сілтеме жасау міндетті.